Ndryshimet e Qendrave të Votimit, justifikimi i Gjendjes Civile: I konstatuam, s’kishim kohë t’i rregullonim

Drejtoria e Përgjithshme e Gjendjes Civile ka pranuarz se ka pasur ndryshim të qendrave të Votimit.

Në një shkresë zyrtare përcjellë KQZ, Drejtoria e Gjendjes Civile thotë se e kemi konstatuar paregullsinë mbi qendrat e votimit në Himarë, por për shkak të kohës së pamjaftueshme në dispozicion, ishte i pamunduar rregullimi i tyre.

"Koha e pamjaftueshme, nga moment i dekretimit të datës së zgjedhjeve në Bashkinë Himarë për kryetar bashkie, deri në gjenerimin e listës së zgjedhësve, e ka bërë të pamundur rregullimin e kësaj çështje dhe sistemimin e të dhënave të qenddrës së votimit, sipas të dhënave të anëtarëve të familjes" thuhet në shkresë.