Tentoi të merrte peng avionin, pasagjerët neutralizojnë agresorin

Ky është momenti kur pasagjerët neutralizojnë një person, i cili tentoi të merrte peng avionin me të cilin po fluturonin.

Incideti tronditës ndodhi gjatë një fluturimi të linjës ajrore meksikane “Volaris Airlines.” Avioni kishte si destinacion qytetin e Tihuanas në Meksikën qendrore, por gjatë fluturimit, një person tentoi të hapte me forcë derën e kabinës së pilotit, duke kërkuar që avioni të ndryshonte kursin e fluturimit drejt San Diegos.

Pamje video të filmuara Brenda aeroplanit tregojnë momentin kur pasagjerët e tjerë neutralizojnë personin, i cilit do të merrte peng avionin.

Sipas një dëshmitari, gjithçka nisi në momentin kur personi sulmoi një nga stjuardesat dhe tentoi të hapte derën e kabinës së pilotit. Ai gjithashtu kërcënoi se do të hapte derën e aeroplanit dhe do të hidhej bashkë me stjuardesën.

Ka qenë ndërhyrja e menjëhershme e një prej pasagjerëve që e ka neutralizuar agresorin, i cili po udhëtonte me bashkëshorten dhe fëmijët.

Për shkak të situatës së krijuar, aeroplani është detyruar të bëjë një ulje emergjence në Guadalahara, ku agresori është arrestuar nga policia.