Spanja nxjerr tanket në rrugë, ushtarët bllkokojnë emigrantët
Rreth 6 mijë marokenë kanë hyrë në Spanjë, në enklavën Ceuta të Afrikës Veriore, gjatë të hënës.
Zyrtarët e qeverisë së Madridit bënë me dije se mbi 1 mijë persona ishin minorenë dhe një emigrant ka humbur jetën gjatë kalimit të kufirit.
Spanja ka çuar trupa ushtarake që patrullojnë me tanke pranë kufirit me Marokun për të ndaluar hyrjen e shumë emigrantëve të tjerë të paligjshëm.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Mjetet e rënda rrethuan një zonë plazhi dhe focat e sigurisë rrethuan emigrantët, të cilët pas kapjes ushtria i ndan në dy grupe, të rriturit vendosen në një stadium, ndërsa minorenët në një ndërtesë industriale.
Pas procedurave ligjore, emigrantët do të deportohen për në Marok.
Fluksi i papritur i migrantëve ka thelluar mosmarrëveshjen diplomatike midis Rabatit dhe Madridit, pasi Spanja vendosi të lejojë trajtim mjekësor për udhëheqësin e një grupi që lufton Marokun për pavarësinë e Saharasë Perëndimore.