Pas javësh kërkime, identifikohet viktima e fundit nën rrënojat e pallatit në Miami

Bota

Pas javësh kërkime, identifikohet viktima e fundit nën

Viktima e fundit e shembjes së një kompleksi apartamentesh në Florida u identifikua të hënën, tha një afërm i viktimës, më shumë se një muaj pas katastrofës që shkaktoi 98 të vdekur dhe çoi në misionin më të madh të kërkim-shpëtimit në këtë shtet që nuk ishte i lidhur me uraganët.

Pas javësh kërkime, identifikohet viktima e fundit nën

Estelle Hedaya, një 54-vjeçare që kishte një dëshirë të madhe për të udhëtuar, është viktima e fundit që u identifikua, duke i dhënë fund asaj që të afërmit e saj e kanë përshkruar si një pritje torturuese katër javëshe. Vëllai i saj më i vogël, Ikey Hedaya, konfirmoi lajmin për agjencinë e lajmeve Associated Press. Funerali për viktimën pritet të mbahet të martën.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Njoftimi vjen vetëm disa ditë pasi ekipet e kërkim-shpëtimit përfunduan zyrtarisht operacionin e rëndë dhe emocional të heqjes së shtresave të mbetjeve të rrezikshme dhe nxjerrjes së dhjetëra trupave. Vendi ku ndodhej pallati Champlain Toëers South, e shembur më 24 qershor, është kryesisht i rrafshuar, me shumicën e rrënojave tashmë të zhvendosura në një depo në Majami.

Pas javësh kërkime, identifikohet viktima e fundit nën

Nuk është e qartë se çfarë do të ndodh me hapësirën ku ndodhej pallati Champlain Toëers South. Një gjykatës që po shqyrton një padi të ngritur pas shëmbjes së ndërtesës, dëshiron që prona të shitet me çmimin e tregut, që mund të sjellë rreth 100 milionë dollarë në të ardhura. Disa pronarë të banesave duan që ajo të rindërtohet, dhe të tjerët thonë se aty duhet të ngrihet një memorial në kujtim të viktimave./VOA

 

ME TE LEXUARAT