Nga 40,000 në 300,000 trupa/ NATO rrit forcat në gatishmëri të lartë

Bota

Nga 40,000 në 300,000 trupa/ NATO rrit forcat në gatishmëri

Sekretari i përgjithshëm i NATO-s, Jens Stoltenberg tha të hënën, më 27 qershor se Aleanca Ushtarake e Atlantikut Verior synon të rrisë ndjeshëm numrin e forcave në gatishmëri të lartë, në mbi 300,000 trupa nga 40,000 që janë aktualisht, si pjesë e rishikimit më të madh të mbrojtjes së aleancës që nga koha e Luftës së Ftohtë.

Stoltenberg konfirmoi gjithashtu se aleatët do të zgjerojnë dislokimet e trupave në vendet e NATO-s që janë më afër Rusisë.

Vendimet do të zyrtarizohen në samitin historik të aleancës 30-anëtare të NATO-s këtë javë në Madrid, i cili po mbahet nën hijen e luftës së Rusisë në Ukrainë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

"Ne do të transformojmë forcën e reagimit të NATO-s dhe do të rrisim numrin e forcave tona të gatishmërisë së lartë në mbi 300,000 trupa," tha Stoltenberg.

Forca e Reagimit të NATO-s aktualisht kanë një kontingjent prej rreth 40,000 ushtarëah, marinarësh dhe personeli ajror.

Në samitin e Madridit, NATO do të ndryshojë gjithashtu qasjen e saj ndaj Rusisë, e cila në strategjinë e fundit të aleancës nga viti 2010 ishte ende e përshkruar si një partner strategjik.

"Ky nuk do të jetë rasti në konceptin strategjik që ne do të biem dakord në Madrid," tha Stoltenberg.

"Unë pres që aleatët të deklarojnë qartë se Rusia përbën një kërcënim të drejtpërdrejtë për sigurinë tonë, për vlerat tona, për rendin ndërkombëtar të bazuar në rregulla".

ME TE LEXUARAT