Izraeli kryen sulme të reja ndaj Iranit: Goditëm bazat e tyre të raketave tokë-tokë

Ushtria izraelite tha se goditi depot e raketave në Iranin qendror të dielën, afërsisht 2,200 kilometra larg territorit izraelit.

Forcat Mbrojtëse të Izraelit (IDF) goditën depot e raketave tokë-tokë në qytetin iranian të Yazdit, sipas zëdhënëses së IDF-së, Effie Defrin.

“Gjatë gjithë ditës, ne vazhduam të thellojmë degradimin e aftësive (të Iranit), duke kryer një sulm në shkallë të gjerë në vendet e prodhimit të raketave që i përkasin (Korpusit të Gardës Revolucionare Islamike) thellë brenda Iranit”, tha Defrin në një konferencë për shtyp.

“Këto sulme janë pjesë e përpjekjeve tona më të gjera për të degraduar programin iranian të armëve dhe industrinë e prodhimit të raketave të regjimit”, shtoi ai.

Izraeli kryen sulme të reja ndaj Iranit, godet bazat ushtarake

Ushtria izraelite ka thënë se forcat e saj po sulmojnë aktualisht “infrastrukturën ushtarake” në Teheran dhe Iranin perëndimor.

Kjo vjen ndërsa mediat iraniane raportojnë se shpërthime po dëgjohen në qytetin perëndimor të Kermanshah në Iran.

krahas sulmeve ndaj Iranit, Izraeli ka vazhduar sulmet ndaj palestinezëve në Rripin e Gazës.

Al Jazeera Arabic raporton se, sipas burimeve mjekësore, 37 palestinezë janë vrarë nga sulmet izraelite në të gjithë Rripin e Gazës sot.

Ata thonë se tetë prej tyre u vranë ndërsa kërkonin ndihmë.