E rrahu dhe e hodhi nga kati i katërt/ Zbardhet krimi, ja se si djali i ish-kryeministrit rus vrau të dashurën

Bota

E rrahu dhe e hodhi nga kati i katërt/ Zbardhet krimi, ja se si djali i

Gjykata ruse ka dënuar me 13 vite burg djalin e një ish-kryeministri, pasi rrahu dhe më pas hodhi nga dritarja të dashurën e tij 21-vjeçare, Tomiris Baysafa.

Autori, 26-vjeçari Murtuz Medzhidov e kreu krimin në Institutin Shtetëror të Marrëdhënieve Ndërkombëtare të Moskës (MGIMO), ku trajnohen diplomatë dhe spiunë, dhe ku ai ishte student së bashku me vajzën.

Vendimi për dënimin e të riut erdhi pas një fushate për drejtësi nga nëna e viktimës, e cila protestoi kundër “paligjshmërisë” gjyqësore të Rusisë , kur një vit më parë Medzhidov u shpall i pafajshëm.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Gjykatësi në gjyqin fillestar u pa si “jashtëzakonisht mbështetës” ndaj Medzhidov, djalit të ish-kryeministri me ndikim të rajonit të naftës dhe gazit Dagestan, Mukhtar Medzhidov.

Nëna e viktimës, Zhanna Akhmetova, 42 vjeç, ishte ankuar se vajza e saj ishte trajtuar si “një person absolutisht i sëmurë nga ana psiko-emocionale”, dhe provat bindëse mjeko-ligjore ishin injoruar.

Ajo u kishte bërë thirrje për drejtësi presidentëve të Rusisë dhe Kazakistanit, vendit të saj të lindjes, Vladimir Putin dhe Kassym-Jomart Tokayev./GazetaShqip

ME TE LEXUARAT