Tragjike në Itali, humbin jetë dy të miturit shpëtohet babai dhe djali i vogël 2-vjeçar

Nje shperthim i tmerrshem si pasoje e nje rrjedhje gazi shkaterroi nje ndertese dy-kateshe ne Via Tappia ne Saviano ne Itali mengjesin e sotem. Shpërthimi ka ndodhur në shtëpinë e një të moshuari në katin e dytë të banesës.

Në katin e parë të saj jetonte një familje me pesë anëtarë, babai, nëna dhe tre fëmijët e vegjël.

Fatkeqësisht si pasojë e shpërthimit ka humbur jetën një vajzë 4-vjeçare dhe vëllai i saj 6-vjeçar. Babai i tyre është transportuar në gjendje të rëndë për jetën në spitalin Cardarelli bashkë me djalin e vogël 2-vjeçar i cili u nxorr i gjallë nga rrënojat.

Nga ana tjetër karabinierët, policia dhe zjarrfikësit janë duke kërkuar nënën dhe gjyshen e fëmijëve. Karabinierët, policia dhe zjarrfikësit tani po gërmojnë nëpër rrënoja me duar të zhveshura.

“Dëgjova shpërthimin dhe dola në rrugë. Çfarë tragjedie, e njoh këtë familje, babai u shpëtua sepse po bëhej gati të shkonte në punë”, thotë një fqinj që është gjendur pranë familjes pasi ndodhi shpërthimi.

Në vendngjarje ndodhej edhe prefekti Michele Di Bari me nënkolonelin e karabinierëve Paolo Leoncin. Karabinierët kanë ndërhyrë të parët pasi në zonë ndodhej për fat dhe një patrullë.