Spektakël në ajër duke u varur në vinç, vajza frikëson qytetarët me performancën e saj pranë digës së Liqenit Artificial

Një ngjarje e pazakontë ka tronditur mbrëmjen e sotme banorët në kryeqytet. Në rrjetet sociale po qarkullon një video ku duket një vajzë e cila është e varur në një vinç teksa dhuron spektakël pranë digës së Liqenit Artificial.

Kjo ngjarje mësohet se është regjistruar nga një spektakël për një ceremoni të një salloni bukurie të sapohapur. Vajza e cila është duke bërë performancë në litar ka sjellë shqetësim tek kalimtarët të cilët kanë parë situatën.

Duhet theksuar se lartësia në të cilën ndodhet vajza është shumë e lartë dhe një manovër e gabuar mund të përfundojë në tragjedi. Pamjet e publikuara kanë ngritur shqetësim për sigurinë dhe mënyrën e organizimit të eventeve të tilla në hapësira publike.