Përplasi babain me dy fëmijët, arrestohet amerikani në Elbasan

Një shtetas amerikan ka rënë në pranga pasi ka aksidentuar me makinë tre persona, dy prej të cilëve janë të mitur.

29 vjeçari me iniciale J. A., është arrestuar pasi po drejtonte automjetin në gjendje të dehur, duke u bërë shkak për përplasjen.

“Specialistët e Qarkullimit Rrugor arrestuan në flagrancë shtetasin amerikan J. A., 29 vjeç, pasi me automjetin që drejtonte në gjendje të dehur është përfshirë në aksident rrugor me 2 automjete dhe për pasojë është dëmtuar lehtë drejtuesi i njërit automjet, shtetasi Q. M., 31 vjeç, 2 pasagjerë dhe 2 fëmijet e tyre të mitur, të cilët ndodhen jashtë rrezikut për jetën,” njofton policia.