"Nis e dëgjo!" – Arroganca e Ramës, kryefjala e pankartave : "Kur qeveria humb busullën, populli i tregon....(FOTO)

Ka nisur protesta e 36-të e organizuar në Tiranë me pjesëmarrjen e qindra qytetarëve, të cilët kanë mbushur sheshin dhe kanë marshuar me pankarta ku shprehin pakënaqësinë ndaj qeverisë.

Në pankartat e mbajtura nga protestuesit spikasnin mesazhe që kërkonin dorëheqjen e kryeministrit Edi Rama dhe akuzonin qeverinë për mungesë dialogu me qytetarët.
Kryefjala e tyre ka qenë arroganca e kreut të qeverisë.

Mes pankartave të shfaqura gjatë protestës ishin:

“Arrogancë: Kur pushteti mendon se është mbi popullin. Realiteti: Populli është mbi pushtetin.”

“Shqipëria mendon udhëheqje, jo arrogancë.”

“Rama, dorëhiqu.”

“Kur qeveria humb rrugën, populli i tregon rrugën.”

“36 ditë, akoma jo dialog, akoma jo përgjigje, vetëm arrogancë.”

“36 ditë mjaft fajësove algoritmin, por nis dëgjo.”

Protestuesit deklarojnë se do të vijojnë tubimet deri në plotësimin e kërkesave të tyre, ndërsa kërkojnë që qeveria të reagojë ndaj shqetësimeve të ngritura gjatë protestave.