VIDEO/ Me armë imituese grabitën dy persona e një pikë karburanti, arrestohen dy "skifterët" në Vlorë

Aktualitet

VIDEO/ Me armë imituese grabitën dy persona e një pikë

Policia e Vlorës ka vënë në pranga tre të rinj, të cilët akuzohen se vodhën xhiron ditore të një karburanti nën kërcënimin e një arme pistoletë imituese.

Tre autorët e vjedhjes para se të kryenin “aksionin” në karburant vodhën gjithashtu para nga dy shtetas, duke i frikësuar dhe kërcënuar me armën imituese.

Hajdutët u kapën në lagjen “10 Korriku”. Ata janë të moshave 20 vjeç, 16-vjeç dhe një 17-vjeç.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Policia bën me dije se ka skuestruar armën imituese pistoletë me silenciator, shumën e parave dhe një aparat celular, të dyshuar të vjedhura, një mjet prerës (thikë) dhe automjeti që autorët kanë përdorur për t’u larguar nga vendi i ngjarjes.

“Shërbimet e Komisariatit të Policisë Vlorë, në bashkëpunim me Forcën e Posaçme Operacionale të DVP Vlorë, pas marrjes së njoftimit, në mesnatë, se tre persona të paidentifikuar, nën kërcënimin e një arme imituese pistoletë me silenciator, i kishin vjedhur një shumë parash (portofolin) dhe një aparat celular, dy shtetasve dhe më pas ishin larguar, duke shkuar po me këtë send, në një pikë karburanti, dhe nën kërcenimin e kësaj arme imituese, kishin vjedhur xhiron ditore, menjëherë kanë organizuar operacionin policor të koduar “Storm 16”, për identifikimin dhe kapjen e tyre. Në cilësinë e provës materiale u sekuestruan një armë imituese pistoletë me silenciator, një shumë parash, portofoli dhe aparati celular, të dyshuar të vjedhura, një mjet prerës (thikë), 2 maska mjekësore dhe automjeti tip “Audi” që autorët kanë përdorur për t’u larguar nga vendi i ngjarjes”, njofton policia.

Në vijim të veprimeve u bë arrestimi i tre shtetasve dhe materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme procedurale.

ME TE LEXUARAT