Hapen aplikimet për provimin e pranimit në shkollën e Magjistraturës, ja kriteret dhe vendet vakante

Janë hapur aplikimet për provimin e pranimit në shkollën e Magjistraturës.

Në njoftimin zyrtar, bëhet me dije për të gjithë të interesuarit që dëshirojnë të konkurrojnë në Shkollën e Magjistraturës, se numri i kuotave për vitin akademik 2025-2026 janë 10 vende vakante për profilin gjyqtar dhe
3 vende vakante për profilin ndihmës ligjor në gjykatë, 12 vende vakante për profilin prokuror, 3 vende vakante për profilin këshilltar ligjor në prokurori.

Po ashtu janë 7 vende vakante për profilin avokat shteti në nivel vendor, pranë ministrive/zyrave vendore.

Procesi i aplikimit nis në datë 1 shkurt dhe përfundon në datë 28 shkurt 2025.

Aplikimi do të bëhet nëpërmjet sistemit elektronik në platformën sipas linkut: smvshm.magjistratura.edu.al Gjithashtu, një kopje të dokumenteve të nevojshme për aplikim do të dorëzohen pranë sekretarisë së Shkollës së Magjistraturës.