E rende/ Përmbyset anija, dhjetëra persona të lënduar

35 persona janë plagosur pasi një anije u përmbys në një kantier detar të Edinburgut.

BBC raporton se 23 persona u shtruan në spital ndërsa 12 të tjerë morën trajtim në vendin e ngjarjes.

Fotot e postuara në rrjete sociale tregojnë se si anija 3 mijë tonëshe është anuar në një kënd 45 gradë.

Në vendngjarje shkuan pesë autoambulanca, një ambulancë ajrore, tre ekipe traumatike, një ekip i operacioneve speciale, tre njësi të ndihmës së shpejtë mjekësore dhe një automjet transportues pacientësh.

Policia e Skocisë i kërkoi publikut të shmangte zonën për të lejuar aksesin për shërbimet e urgjencës.