Aksident në Elbasan, makina përplas të moshuarin me biçikletë

Një aksident ka ndodhur pasditen kësaj të hëne në Elbasan. Një 46-vjeçar ka përplasur me makinë një 80-vjeeçar i cili ishte duke udhëtuar me biçikletë.

Sio pasojë i moshuari është plagosur lehtë dhe është dërguar në spitalin e qytetit për ndihmë mjekësore, ndërsa policia njofton se shoferi i makinës është shoqëruar për veprime të mëtjeshme proceduriale.

“Mbrëmjen e sotme rreth orës 17:45, në rrugën “Zogu i parë”, automjeti me drejtues shtetasin B. Rr., 46 vjeç, ka aksidentuar shtetasin N. K., 80 vjeç, i cili lëvizte me biçikletë.

80-vjeçari po merr asistencë mjekësore në Spitalin Rajonal Elbasan, ku është jashtë rrezikut për jetën. Me drejtuesin e automjetit shtetasin B. Rr., po kryhen veprimet e mëtejshme procedurale”,- thuhet në njoftimin e Policisë.

Ndërkohë grupi hetimor po punon për përcaktimin e shkaqeve të aksidentit.