Aksident i frikshëm në Korçë/ Makina me shpejtësi përmbyset në rrugë, shoferi shpëton për mrekulli

Një aksident i rëndë rrugor është regjistruar sot pas mesnate, rreth orës 01:00 në Korçë.

Automjeti fillimisht është përplasur me një pemë dhe më pas është përmbysur në rrugë.

Fatmirësisht, nuk ka pasur persona të lënduar. Drejtuesi i mjetit, një i ri, ka arritur të dalë nga automjeti pa pësuar dëmtime.

Paraprakisht dyshohet se shoferi mund të ketë qenë nën efektin e alkoolit në momentin e aksidentit, ndërsa pritet që ky fakt të konfirmohet nga hetimet.

Policia ndodhet në vendngjarje dhe po kryen veprimet procedurale për të zbardhur shkaqet dhe rrethanat e plota të aksidentit.