Padia ndaj Ardian Dvoranit, Meta mberrin ne Prokurorine e Tiranes

Aktualitet

TIRANË

Presidenti i Republikës Ilir Meta pritet të shkojë sot në Prokurorinë e Tiranës.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Presidenti Meta do të shkojë në prokurori në mesditë ku pritet të pyetet për kallëzimin kundër kreut të KED Ardian Dvorani.

Pritet që Z. Meta në deklarimet e tij të shpjegojë para prokurorëve faktin penal të pretenduar në kallëzimin e bërë prej tij. Mësohet se Prokurori i çështjes është Alket Mersini.

Më 19 nëntor Kreu i Shtetit nënshkroi kallëzimin penal për ‘shpërdorim detyre’ ndaj kreut të Këshillit të Emërimeve në Drejtësi, Ardian Dvorani duke e cilësuar këtë padi si një mundësi historike për Reformën në drejtësi.

Padia e Presidentit u dorëzua në Prokurorinë e Përgjithshme, Prokurorinë pranë Gjykatës së Shkallës së Parë për Krimet e Rënda dhe Prokurorinë e Rrethit Gjyqësor Tiranë.

Meta u përplas me Dvoranin për procesin e përzgjedhjes së anëtarëve të Gjykatës Kushtetuese, teksa tha se përzgjedhja u bë në mënyrë mafioze, duke e cilësuar kreun e KED një ushtar të verbër të partisë.

ME TE LEXUARAT