Bota

Ky eshte shteti me depresiv ne bote

Koreja e Veriut nuk është shaka. Eshtë njëri prej vendeve më të këqija në botë. Eshtë i izoluar, është i rrezikshëm është strikt, por mbi të gjitha është depresiv. Nas Daily, i njohur për udhëtimet e tij në vendet e botës dhe që së fundmi ka qenë edhe në Shqipëri, vend i cili i la jashtëzakonisht përshtypje të mirë, tani ka vendosur të udhëtoj për në Kore të Veriut dhe këtu e gjeni përvojën e tij në këtë vend, që ai e quan depresiv.

Kam vizituar Korenë e Veriut duke marrë një tren për 24 orë nga Bejgjini në hyrje të Koresë së Veriut. Në këtë vend nuk mund të hysh individualisht por vetëm si një grup i organizuar. Në momentin që hyni aty, ju hyni në një botë plotësisht të re. Ushtarët do ju kontrollojnë çdo gjë që e keni, duke i përfshirë edhe fotografitë që i keni në telefon. Ata sigurohen që ju nuk keni me vete asnjë libër religjioz, sepse ky i fundit është i ndaluar, asnjë libër politik, asnjë revistë me përmbajtje +18, dhe asnjë informacion sensitiv. Dhe kjo e gjitha ka kuptim, se ky vend është si burg. Brenda shtetit ju shihni varfëri të madhe dhe izolim pa asnjë liri, pa internet, pa rrjete sociale.

Kultura e tyre është e bukur me traditë të bukur, sporte të bukura dhe kërcime, dhe janë njerëz krenar, por problemi është se ata nuk kanë rëndësi. E gjithë çka ka rëndësi në Kore të Veriut është ushtria, tanket, iluzioni mashtrues i fuqisë dhe jo fëmijët dhe e ardhmja.“Koha ime në Kore të Veriut ka zgjatur 5 ditë, dhe në rrugën për kthim kam qarë për njerëzit aty, nuk ka asnjë zgjidhje për ata njerëz, vendi i tyre është dhe do të mbetet si një burg dhe dita për të bërë më mirë është shumë larg.

 

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave a Reply

Your email address will not be published. Required fields are marked *

Back to top button
Close