Lajmi i fundit

Vdiq pa bërë 23 vjeç/ Andi Maloku, nuk ka qënë nënoficer në policinë e Fushë Krujës

Andi Maloku nuk ishte shenjestra e atentatit të Shkozetit më 1 nëntor, mirëpo fati i keq e desh që ai të vdiste pas 6 ditësh qëndrimi në spital. Shoferi i prokurorit Ndoja u nda nga jeta si pasoje e një tromboze në mushkëri teksa ndodhej në gjëndje të rënde tek Spitali i Traumes si pasoje e plumbave te marre në mushkëri e shtyllën kurrizore.

Ai drejtonte mjetin tip Mercedez Benz që u qëllua me bresheri në Shkozet me qëllim vrasjen e Prokurorit Ndoja e Landi Muharremit i njohur ndryshe si “Rrumi”. Hetuesit thanë se manovrat e shoferit Maloku ishin vendimtare që Ndoja dhe Muharremi të shpëtonin nga vdekje.

Por të njëjtën fat nuk e pati vetë Andi Maloku, padiskutim më i pafajshmi në këtë histori. Në fund të nëntorit ai mbushte 23 dhe kishte me pak se 2 muaj në këtë detyrë.

Familjarët e tij teksa kanë reaguar në rrjetet sociale kanë kërkuar më shumë respekt për të ndjerin duke mohuar të gjitha zërat e dalë në media se ai kishte qëne nënoficer në policinë e Fushë Krujës ku kishte pasur konflikte e po ashtu kanë mohuar që i afërmi i tyre të kishte miqesi me Ndojën dhe Muharremin.

Ato i kërkojne mediave të veçanta dhe opinionit publik që të mos abuzojnë me informacionet që publikojnë duke treguar respekt edhe për momentin shumë të vështirë të familjes.

Nëna e Malokut vuri kujën në spital ditën e parë kur ai mbërriti i plagosur tek Trauma duke thënë se djalini tyre po vritej për 300 mijë lekë rrogë. Vdekja e Andi Malokut e bën edhe më të rëndë atentatin e 1 nëntorit në Shkozet dhe akuzat e të arrestuarit të vetëm Redjan Rraja forcohen edhe më tepër.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave a Reply

Your email address will not be published. Required fields are marked *

Back to top button
Close