Kosova ekstradon vrasesin e rrezikshem malazez te shumekerkuar

Kosovë&Rajon

Ministria e Drejtësisë e Kosovës njoftoi se autoritetet e Kosovës kanë ekstraduar në Mal të Zi Mario Millosheviç, i kërkuar nga autoritetet malazeze si i dyshuar për vrasje të rëndë. Ministri në largim i Drejtësisë, Abelard Tahiri, tha se ekstradimi i “një prej personave më të kërkuar në Mal të Zi” është kryer me sukses të martën, më 5 nëntor.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Siç raporton Shërbimi i Ballkanit i Radios Evropa e Lirë, emri i Millosheviçit lidhet me një nga grupet e organizuara kriminale në Mal të Zi, përgjegjës për likuidime të shumta.

Millosheviç thuhet se ka qenë edhe anëtar i grupit kriminal që ka kryer sulm të armatosur kundër gazetares së të përditshmes “Vijesti”, Olivera Llakiç. Në komunikatën e Ministrisë së Drejtësisë në Kosovë thuhet se nga shtatori i vitit 2017 deri në nëntor të këtij viti, Kosova ka ekstraduar 165 persona.

ME TE LEXUARAT