VOA: Kajmaku nuk shpeton, ja pse do te shkarkohet menjehere nga detyra

Politikë

Në Shqipëri, Kryetari i Komisionit Qëndror të Zgjedhjeve, Klement Zguri, njoftoi sot thirrjen për ditën e premte të mbledhjes për të shqyrtuar rastin e kryebashkiakut të Vorës, i cili sipas Prokurorisë ka fshehur në deklarimin e të shkuarës së tij, arrestimin dhe hetimin e tij në Greqi në janar të vitit 2003.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Pëpara njoftimit të mbledhjes së Komisionit Qëndror të Zgjedhjeve, Partia Demokratike, përmes Sekretarit të saj të Përgjithshëm, Gazmend Bardhi, i kishte kërkuar këtij institucioni të trajtonte pa vonesë këtë çështje, dhe të miratonte, rezultatet e verifikimit të Prokurorisë, në bazë të të cilave kryebashkiaku i Vorës, sipas saj, duhet të shkarkohet menjëherë nga detyra.

Prokuroria shqiptare u vu në lëvizje pas denoncimit nga Partia Demokratike, e cila publikoi dokumente mbi arrestimin e zotit Kajmaku në Greqi, nën emrin Jorgo Toto dhe hetimin e nisur ndaj tij. Kryebashkiaku socialist mohoi në mënyrë të përsëritur akuzat e PD-së , duke këmbëngulur se nuk është arrestuar ndonjëherë në Greqi e duke folur për një “sulm politik” ndaj tij. Por krahasimi i shenjave të gishtërinjve mes atyre të marrë nga autoritetet greke në 2003 dhe atyre të zotit Kajmaku, vërtetuan se bëhej fjalë për të njejtin person.

Vetëm pas kësaj, kryebashkiaku dorëzoi pranë autoriteteve, vendimin e shtatorit të këtij viti të gjykatës së Janinës që e shpallte atë të pafajshëm, ndonëse më parë kishte mohuar çdo fakt që e lidhte atë me ngjarjen e ndodhur në Janar të vitit 2003, kur ishte arrestuar në flagrancë, pasi kishte qenë në zotërim të kartmonedhave fallso, ndërsa po tentonte të bënte një pagesë. Por kjo nuk e shpëton atë nga fakti se ai nuk e ka deklaruar arrestimin në Greqi në formularin e dekriminalizimit, gjë që sipas një vendimi të posaçëm të parlamentit, çon në shkarkim të menjëhershëm nga detyra./VOA

ME TE LEXUARAT