Politika

Basha: BE refuzoi Edi Ramen jo Shqiperine

Kreu i partisë Demokratike, Lulzim Basha, deklaroi në nja dalje për media këtë të hënë se Evropa refuzoi Edi Ramën dhe jo Shqipërinë, me vendimin për të mos hapur negociatat. Sipas Bashës, shumica e vendeve anëtare të BE ishin të një mendjeje, se qeveria shqiptare nuk e meriton hapjen e negociatave.

“Vlerësim sipas meritës është qëndrimi i prerë i vendeve anëtare të BE për vendet që dua t’i bashkohen BE. Shumica e vendeve ishin të një mendjeje, se qeveria e Shqipërisë nuk e meritonte hapjen e negociatave. Për këtë u artikuluan disa kushte, që në thelb tregojnë se Shqipëria ka bërë hapa pas. Situata e rëndë ekonomike, mungesa e mundësisë që vjen prej kapjes së institucioneve dhe pabarazisë para ligjit ka detyruar shqiptarët të largohen.

Krimi dhe korrupsioni janë shqetësim për vendet e BE. Ndëshkimi i blerjes së votës, vënia para drejtësisë e të implikuarve në vepra të rënda, janë disa nga kushtet e BE. Këto nuk janë probleme të BE, siç deklaron propaganda e qeverisë. Krejt e ndryshme paraqitet situata për Maqedoninë e Veriut, as kusht për këtë vend dhe një mbështetje gati unanime për hapjen e negociatave. Megjithatë, Zaev paraqiti dorëheqjen dhe vendi do shkojë në zgjedhje të parakohshme. Nga ana tjetër, qeveria jonë, e refuzuar nga vendet evropiane, vazhdon të mos e lëshojë pushtetin në dëm të qytetarëve. Ne kemi vetëm një rrugë, atë evropiane. Evropa ka refuzuar Edi Ramën, jo Shqipërinë. Dështimi është i Ramës, jo i Shqipërisë.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave a Reply

Your email address will not be published. Required fields are marked *

Back to top button
Close