Realizohet fluturimi më i gjatë në botë, 19 orë e 16 minuta në ajër

Soft

Një avion i kompanisë australiane Qantas ka arritur të vendosë një rekord të ri për udhëtimin më të gjatë në histori. Një avion i tij i nisur nga New York mbërriti në Sydney pas 19 orësh!

Ky ishte një lloj eksperimenti për të testuar efektet e atij që do të jetë fluturimi më i gjatë komercial, duke llogaritur lodhjen që përjetojnë si pasagjerët, ashtu edhe ekuipazhi.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Qantas e përshëndeti si “historik” momentin kur avioni, një Boeing i ri 787-9 Dreamliner u ul pa probleme në tokë ndërsa nuk kishte kryer asnjë ndalesë rrugës. 49 persona ishin në bord, me qëllimin që të arrihej një peshë minimale dhe të garantohej autonomia e nevojshme e mjetit.

Testet përfshinin monitorimin e valëve cerebrale të pilotit dhe nivelin e melatoninës tek pasagjerët. ” Jemi vërtet të lumtur me mënyrën se si shkoi fluturimi dhe është mirë të kesh disa të dhëna që na duhen për të ndihmuar në vlerësimin e fillimit të një shërbimi të rregullt për këtë rrugë”, tha Kapiteni Sean Golding, i cili drejtoi katër pilotët.

Kompania po planifikon të kryejë më vonë gjatë vitit një fluturim të ngjashëm prove, këtë herë nga Londra drejt Sidnejt./top chnanel

ME TE LEXUARAT