Kosova - Rajoni

Nobel per simpatizantin e Miloshevicit, reagime te shumta kunder cmimit

Akademia suedeze e Shkencave këtë vit akordoi Nobelin e Letërsisë per autoren polake, Olga Tokarczuk, dhe austriakun, Peter Handke.

Çmimi për Tokarczukun i takon vitit 2018, ndërsa Handkenit i kaloi ai i këtij viti. U dhanë dy çmime këtë radhë, për shkak se ai i vitit të kaluar u anulua në mesin e një skandali seksual. Polemikat megjithatë rrethuan menjëherë fituesin e 2019-tës, Handke.

Gazeta britanike The Guardian dhe ajo austriake Der Standard kujtuan në shkrimet e tyre sesi laureati i Nobelit të sivjetshëm ka qenë simpatizant i Slobodan Milloshevicit, pavarësisht akuzave që rëndonin mbi të për Genocid.

Der Standard madje thotë se shkrimtari austriak një herë kishte mohuar masakrën e Srebrenicës. Pasi Handke e pat përshkruar bombardimin e Serbisë nga NATO si krim lufte, ai u sulmua nga politikanët dhe mediat, një periudhë të cilën e përmendi edhe në librin e tij “Udhëtimi nga Dugout, ose shfaqja për filmin e luftës”.

Në 2006-tën, pas kritikave për pjesëmarrjen në funeralin e Slobodan Milloshevicit, nominimi i Peter Handkes për çmimin Heinrich Heine prej 50 mijë eurosh ishte anuluar nga këshilli i qytetit të Dyseldorfit. Shkrimtari më pas kishte deklaruar se nuk do ta pranonte çmimin.

Anëtarë të ansamblit të Berlinit e cilësuan anulimin e çmimit si “sulm ndaj lirisë artistike” dhe krijuan “Çmimi Heinrich Heine Berlin” që arriti të grumbullonte të njëjtat të holla, por Handke nuk i pranoi, duke kërkuar që të hollat të dhurohen për komunat serbe në Kosovë./top channel

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave a Reply

Your email address will not be published. Required fields are marked *

Back to top button
Close