Lajmi i fundit

Qytetarët e raportojnë në Polici, kapet shoferi i rrezikshëm në Tiranë, përplasi edhe patrullën

Një shofer 47-vjeçar ka rënë në prangat e policisë pas një telefonate të mbërritur në sallën operative nga vetë qytetarët, të cilët thanë se drejtuesi i një automjeti po bënte manovra të rrezikshme në rrugë.

Policia Rrugore ndaloi automjetin në fjalë, dhe pas kryerjes së testit të alkoolit, rezultoi në masën 1.31 mg/l, mirëpo, shoferi i dehur në tentativë për tu larguar ka goditur edhe makinën e efektivëve.

Shërbimet e Policisë Rrugore bënë arrestimin në flagrancë të shtetasit A. H., 47 vjeç, lindur dhe banues në Tiranë.

Sipas policisë, mbrëmjen e djeshme, ai drejtonte mjetin në gjendje të dehur nga Mjull Bathore për në autostradë në Unazë të Madhe dhe kryente manovra të rrezikshme në rrugë duke rrezikur jetën e këmbësorëve dhe të drejtuesve të auomjeteve.

Qytetarët kanë njoftuar në numrin 112 dhe menjëherë sherbimet e Komisariatit Rajonal të Policisë Rrugore Tiranë, janë pozicionuar duke i dhënë shenjë për të ndaluar automejtit me të dhënat që ishte rapotrtuar nga qytetarët. Drejtuesi i mjetit në tentativë për t’ju larguar shërbimeve të policisë ka goditur mjetin e policisë rrugore duke rrezikuar jetën e punonjësve të policisë, por është neutralizuar dhe arrestuar në flagrancë.

loading...

Artikuj te ngjashem

Leave a Reply

Your email address will not be published. Required fields are marked *

Back to top button
Close
Close