Depresioni shkakton probleme me kujtesën

Soft

Personat që vuajnë nga depresioni mund të kenë probleme mes dallimit të kujtimeve të ngjashme. Jeta me depresion mund të shpie në një numër problemesh, përfshirë problemet me gjumin dhe nivelet më të larta të stresit. Por, së fundmi shkencëtarët kanë zbuluar edhe këtë: ekziston një lidhje mes depresionit dhe kujtesës.

Më saktësisht, personat që vuajnë nga depresioni e gjejnë veten të paaftë për të kuptuar informacione të reja si pasojë e mendimeve apo kujtimeve nga e kaluara. Pas analizimit të të dhënave të 98 të rriturve, shkencëtarët amerikanë treguan se personat me nivele më të larta të depresionit kanë probleme t’i dallojnë objektet e ngjashme.

Por kjo nuk do të thotë se ata vuajnë nga amnezia; por thjesht se disa detaje të vogla të memories mund të mungojnë si rezultat i shëndetit të dobët mendor. Vlen të ceket se një studim tjetër, po ashtu nga shkencëtarë amerikanë, ka zbuluar se ata të cilët përpiqen t’i shtypin emocionet negative janë më të aftë ta reduktojnë ndikimin e kujtimeve negative.

ME TE LEXUARAT