Bota

Me dorën në Bibël, betohet kryeministri i ri grek

E sotmja ishte dita e fundit e Alexis Tsipras në zyrën e kryeministrit. Anëtarët e kabinetit të ri qeveritar u betuan sot sipas mënyrës fetare tradiconale duke vendosur dorën mbi ungjill nga kryepeshkopi grek Jeornimos nën prezencën e presidentit Prokopis Pavlopoulos.

Pamjet e ceremonisë dhe të mbërritjes së kryeministrit Kyriakos Mitsotakis, 18 ministrave, 2 ministrave plotësues dhe 29 zv/ministrave të shoqëruar nga pjesëtar]t e familjeve të tyre, janë transmetuar direkt nga të gjitha mediat vendase.

Ka pasuar dorëzimi i posteve nga ministrat e qeverisë Tsipras tek anëtarët e rinj të kabinetit dhe portofoli i parë që është marrë ka qenë ai i Ministrisë së Jashtme ku kreu i ri i diplomacisë Nikos Dhendias ka theksuar se politika e jashtme nuk duhet të jetë subjekt i konfrontimit partiak.

“Qeveria Mitsotakis do të kërkojë konsensusin në politikën e jashtme duke synuar unitetin me te madh dhe të fuqishme kombëtar, në çështjen sublime të mbrojtjes së të drejtave të vendit”, ka thënë Dhendias.

Në një moment të tensionuar të marrëdhënieve greko-turke, ministri i Mbrojtjes Nikos Panajotopoulos, pas marrjes së detyrës ka theksuar se Greqia nëse do të sfidohet do të përgjigjet me vendosmëri.

Ndërsa ministri i ri i Financave, Christos Staikouras duke pranuar se do të mbajë hapat pozitivë të qeverisë Tsipras, përcaktoi prioritetet e qeverisë re.

“Do të përpiqemi të reduktojmë pasigurinë, të kufizojmë rreziqet dhe të krijojmë vende pune shumë me cilesore. Qëllimi ynë kryesor është krijimi i kushteve për një zhvillim ekonomik të lartë dhe të qëndrueshëm me financa publike të shëndetshme dhe një sektor bankar të qëndrueshëm”, u shpreh Staikouras.

Mbledhja e pare e kabinetit qeveritar në të cilin ndodhen vetëm 5 gra zhvillohet mëngjesin e së mërkurës, nën kritikat e para të opozitës për shumë prej emrave që përbëjnë skemën qeveritare me të cilën kryeministri Mitsotakis do të udhëheqë vendin gjatë mandatit te tij.

loading...

Artikuj te ngjashem

Leave a Reply

Your email address will not be published. Required fields are marked *

Back to top button
Close
Close