Petrit Vasili: Sa gjynah më vjen për ata që e kanë qelinë të sigurt, për Edi Ramën!

Politikë

Në atmosferën e kërcënimeve të përditshme të kryeminstrit, se ata që nuk janë për zgjedhje në 30 Qershor do të shkojnë në burg dhe di tu ndalohet lëvizja jashtë vendit, nënkryetari i LSI, Petrit Vasili, në një këndvështrim tjetër ju “qan hallin” atyre që do të shkojnë në burg për hir të Edi Ramës.

Dhe të parët sipas tij, do të jenë të gjithë ata anëtarë të KQZ dhe të KZAAZ-ve të cilët po shkelin hapur ligjin duke mos njohur dekretin e presidentit për anulimin e zgjedhjeve.

“Çdo vendim dhe veprim që ka lidhje me zgjedhjet, që nga KQZ, KZAZ e deri te paratë që po shpenzohen për zgjedhjet janë të paligjshme. Kushdo që ka firmosur çdo dokument apo shpenzim zgjedhor do të shkojë në burg”, shkruan Vasili.

Statusi i plotë i Petrit Vasilit në FB

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Gjynah vërtet për kaq njerëz nga KQZ, KZAZ etj, që do shkojnë në burg për Edi Ramën!!

Në 30 qershor nuk ka zgjedhje.

Zgjedhjet janë anuluar nga Presidenti i Republikës dhe ato nuk ekzistojnë në 30 qershor.

Çdo vendim dhe veprim që ka lidhje me zgjedhjet, që nga KQZ, KZAZ e deri te paratë që po shpenzohen për zgjedhjet janë të paligjshme.

Kushdo që ka firmosur çdo dokument apo shpenzim zgjedhor do të shkojë në burg.

Pra do të shkojnë në burg për çmendurinë e Edi Ramës, sepse Dekreti i Presidentit është atje i ligjshëm dhe i detyrueshëm për zbatim.

Askush nuk i mbron dot këta nga ligji dhe dënimi i sigurtë sepse shkelja e ligjit është kaq e qartë, por edhe kaq flagrante deri në kufijtë e idiotësisë.

Edi Rama nuk ka firmosur asgjëkundi që të mos mbajë përgjegjësi.

Ai do t’i shesë edhe këta siç ka berë me të gjithë të tjerët.

Edi Rama e di shumë mirë që 30 qershori nuk ekziston dhe është i paligjshëm, prandaj edhe nuk është ankuar në asnjë gjykatë as brenda as jashtë vendit.

Gjynah vërtet që gjithë këta njerëz do të shkojnë në burg dhe aq më shumë për Edi Ramën.

ME TE LEXUARAT