Aktualitet

Merr përpara këmbësorin, shpallet në kërkim

Pas një aksidenti të ndodhur në aksin rrugor Korçë-Ersekë një ditë më parë, ku mbeti i plagosur rëndë 48-vjeçari Y.M, policia ka identifikuar drejtuesin e mjetit që e përplasi.

Policia njofton se u bë shpallja në kërkim dhe po punohet për kapjen e shtetasit V.Z, 54 vjeç, banues në Korçë, pasi ky shtetas duke drejtuar një mjet tip “Benz”, ka aksidentuar shtetasin Y.M, 48 vjeç, banues në fshatin Ravonik, Korçë, këmbësor në rrugë, i cili aktualisht ndodhet në Spitalin e Traumës, në gjendje të rëndë shëndetësore.

Drejtuesi i mjetit, pasi ka aksidentuar 48-vjeçarin, është larguar nga vendi i ngjarjes.

Materialet i kaluan Prokurorisë pranë Gjykatës së Shkallës së Parë Korçë për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave a Reply

Your email address will not be published. Required fields are marked *

Back to top button
Close