Tiranë, autobusi del nga rruga, përplaset me lavazhin, një grua në spital
Lajmifundit
/
24 Maj 2019, 15:10
Aktualitet
Një aksident ka ndodhur pasditen e sotme në zonën e Yzberishtit,Tiranë.
Ngjarja është regjistruar në rrugën “3 Dëshmorët”, ku autobusi i linjës Qendër –Yzberisht dhe anasjelltas, është përplasur me një automjet.
Nga ngjarja ka mbetur e plagosur një pasagjere, gjendja e së cilës ende nuk bëhet me dije. Nga përplasja, autobusi ka përfunduar në ambientet e një lavazhi.
Në vendin e ngjarjes ka shkuar policia, e cili nisi hetimet për sqarimin e rrethanave të aksidentit. Top Channel ka siguruar foto ta autobusit, ku duken dëmet materiale.