Lajmi i fundit

Maltë, kapen 92 kilogramë kokainë, ishte nisur drejt Durrësit

Policia në Maltë ka bllokuar një ngarkesë prej 92 kilogramë kokainë e cila ishte nisur në drejtim të Durrësit.


Zyrtarët doganorë kanë konfiskuar shtatëdhjetë e gjashtë paketa kokainë me peshë 91.25 kg, me vlerë prej 10.3 milion euro në një aksion të zhvilluar të dielën.


Departamenti i doganave tha se droga ishte fshehur në dy kontejnerë në Freeport të Maltës.


Autoritetet kanë përzgjedhur disa kontejnerë për skanim ndërsa pas skanimeve fillestare, u vërejtën parregullsi në konstruktin e tre kontejnerëve, çka ka nxjerrë në pah edhe drogën e fshehur në njësinë e kompresorit të ftohësit. Të dy kontejnerët ishin dërguar në Maltë nga Amerika e Jugut, me adresë portin e Durrësit, në Shqipëri.


Kjo sasi e fundit e zbuluar e çon në 606.45 kg sasinë e kokainës së bllokuar nga autoritetet gjatë këtij viti, të përllogaritur me një vlerë totale prej rreth 68.2 milionë eurosh.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave a Reply

Your email address will not be published. Required fields are marked *

Back to top button
Close