Publikohet studimi, njeriu vret jetën e egër

Soft

Shpërthimi i konsumit njerëzor ka shkaktuar një reduktim masiv të jetës së egër në botë. Në raportin e tij të fundit, Fondi Botëror për Natyrën argumenton zhdukjen e 60% të specieve vertebrore – gjitare, peshq, zogj dhe zvarranike –qe prej vitit 1970 deri ne 2014-tën.

“Toka po humbet biodiversitetin me një ritëm që nuk është parë përveçse gjatë zhdukjeve masive”, thuhet aty. Organizata ndërkombëtare me seli në Zvicër i drejton një apel politikë-bërësve që të vendosin objektiva të reja për zhvillim të qëndrueshëm.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Raporti “The living planet”, i publikuar çdo dy vjet kërkon të vlerësojë gjendjen e kafshëve të egra të globit. Botimi i këtij viti tregon se vetëm një e katërta e sipërfaqes së tokës në botë tani është e lirë nga ndikimi i aktivitetit njerëzor dhe do të tkurret në një të dhjetën pas 3 dekadash.

Ndryshimin po e nxit rritja galopante e prodhimit të ushqimit dhe ajo e kërkesës për energji, tokë dhe ujë, theksohet ne studim. Renien më dramatike të numrit të vertebroreve e ka Amerika e jugut dhe ajo qendrore, me 89% të kësaj popullsie të zhdukur krahasuar me vitet `70. Specie veçanërisht të rrezikuara konsiderohen ato ujore, në një kohë kur ndotja nga plastika është zbuluar deri edhe ne pjesët më të thella të oqeaneve të botës.

ME TE LEXUARAT