Paralajmëron UEFA: Kjo kombëtare mund të përjashtohet nga "Euro 2016"
Lajmifundit
/
12 Qershor 2016, 16:36
Aktualitet
Anglia mund të përballet me një përjashtim të mundshëm nga Euro 2016, nëse skenat e dhunës që filluan para dhe pas ndeshjes me Rusinë vazhdojnë, ka paralajmëruar UEFA.
Sipas raporteve, Këshilli Ekzekutiv i UEFA-s ka paralajmëruar Anglinë dhe Rusinë se nuk do të hezitojnë t’i vendosin sanksione të mëtutjeshme nëse dhuna ndodh përsëri. Pasi filloi një hetim për dhunën që u pa mbrëmë në stadium, UEFA ka konfirmuar se nëse përsëriten skena të ngjashme gjatë kampionatit, Anglia dhe Rusia mund të përjashtohen nga gara. “UEFA shpreh neverinë e saj të plotë për përleshjet e dhunshme që ndodhën në qendër të qytetit të Marseille, dhe shqetësimin e saj serioz për incidentet në fund të ndeshjes brenda Stade Velodrome”, thuhet në qëndrimin e UEFA-s. “Kjo lloj sjelljeje është krejtësisht e papranueshme dhe nuk ka vend në futboll”, tha UEFA.