gazetashqip

Kolegji Zgjedhor rrëzon ankimimin e PD-së për Kurbinin

kolegjKolegji Zgjedhor pranë Gjykatës së Apelit rrëzoi të premten ankesën e Partisë Demokratike që kundërshtonte vendimin e Komisionit Qendror të Zgjedhjeve për rezultatin ne bashkinë Kurbin.
Trupa gjyqësore vendosi të lërë në fuqi vendimin e Komisionit Qendror të Zgjedhjeve të datës 3 korrik, i cili rrëzoi kërkesën ankimore të demokratëve, ku kerkohej pavlefshmëri dhe përsëritje e zgjedhjeve në këtë zonë, duke e konsideruar atë ‘të pabazuar në prova e ligj’.
Partia Demokratike në parashtrimin e argumenteve kundër vendimit të KQZ-së pretendonte se procesi zgjedhor në këtë bashki ishte i paligjshëm, ndërsa iu referua shkeljeve të shumta, duke nisur me vendimin e Komisionit Zgjedhor për shkarkimin e anëtarëve të opozitës në KZAZ-në nr.15, e deri tek vendimet e marra nga kjo e fundit, në kundërshtim me Kodin Zgjedhor.
Më 3 korrik KQZ vendosi të rrëzojë kërkesën ankimore të demokratëve, të cilët kërkuan pavlefshmëri dhe përsëritje të zgjedhjeve në këtë zonë zgjedhore, duke e konsideruar të pabazuar në prova dhe ligj. /

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave a Reply

Your email address will not be published. Required fields are marked *

Back to top button
Close