Rebelimi i Lazaratit

Oficeri i RENEA: Ja si ramë në pritën e armatosur në Lazarat

renea2014Një oficer i RENEA-s, në kushte anonimati, ka rrëfyer atë që ndodhi në Lazarat, kur një koleg i tyre u qëllua për vdekje. Ai tha se pas mesnatës së të martës ka pasur informacione për të shtëna me armë në Lazarat.

“Organet e policisë kanë pasur informacion në rrugë informative se disa persona lëviznin të armatosur dhe të maskuar në fshat. Një ndër ta dyshohet se ka qenë i riu Xhuliano Mato”.

Pas kërkesës për ndihmë, në orët e mëngjesit dy autoblinda dhe dy furgona të RENEA-s janë nisur nga Tirana dhe kanë mbërritur në hyrje të Lazaratit.

“Pasi kanë devijuar nga rruga kryesore, dy blindat e RENEA-s kanë mbërritur në zonën e njohur si ish-Pularia. Dy blindat ndiqeshin nga një furgon me efektivë të RENEA-s. Në furgon ndodheshin gjashtë efektivë. Në sediljen e parë të pasagjerit ka qenë Ibrahim Basha dhe një efektiv tjetër. Furgoni ka qenë pranë ish-Pularisë kur është qëlluar. Mjeti ka qenë në një vend ku më parë kishin kaluar dy autoblindat. Drejt mjetit është hapur zjarr nga një distancë jo shumë e afërt, mendohet më shumë se 20 metra. Një plumb i shkrehur nga një armë, që mendohet snajper, ka kapur efektivin Ibrahim Basha në ballë, në lartësinë e vetullave. Nga goditja, trupi i tij është anuar duke i rënë drejtuesit të mjetit në prehër. Plumbi që i mori jetën ka qenë tejshpues, i njëjti ka goditur në shpatull edhe efektivin Jetmir Isai dhe ka prekur tangjent kokën e Perlat Hamitit”, thote polici per panorama.

Ai thotë se oficerët ishin të veshur me pajisjet e nevojshme, por Bashën e kapi plumbi në ballë. Oficeri thotë se në fshat është shembur me Saurrel një mur avllie, për të krijuar alibinë se ka ndërhyrë policia.

Po ashtu ai dyshon se 17-vjeçari i arrestuar është lënë qëllimisht, për të hequr vëmendjen dhe për të krijuar alibi arratisje. Sipas tij, dyshohet se grupi i armatosur ka kohë që është formuar dhe armatosur.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave a Reply

Your email address will not be published. Required fields are marked *

Back to top button
Close