INSTAT: Inflacioni në janar llogaritet 1.3 %

Aktualitet

instat-4Indeksi i çmimeve të konsumit në muajin janar të këtij viti arriti 118,6 %.

Sipas raportit të Institutit të Statistikave, publikuar të hënën ndryshimi vjetor i indeksit të çmimeve të konsumit është 1,3 %. Një vit më parë ky ndryshim ishte 1,7 %.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Rritja vjetore në muajin janar është ndikuar kryesisht nga grupi “ushqime dhe pije joalkoolike” me +0,88 pikë përqindje. Çmimet e grupit “pije alkoolike dhe duhan” kanë kontribuar me +0,17 pikë përqindje.

Çmimet e grupit “shërbimi arsimor” kanë kontribuar me +0,16 pikë përqindje. Çmimet e grupit “mallra dhe shërbime të ndryshme” kanë kontribuar me +0,14 pikë përqindje. Çmimet e grupit “qira,ujë, lëndë djegëse dhe energji” kanë kontribuar me +0,12 pikë përqindje. Çmimet e grupit “komunikimi” kanë kontribuar me +0,10 pikë përqindje. Çmimet e grupit “transporti” dhe “shëndeti” kanë kontribuar respektivisht me -0,23 pikë përqindje dhe -0,18 pikë përqindje në ndryshimin vjetor. Krahasuar me muajin janar 2014, rritja më e madhe e çmimeve vërehet në grupin “shërbimi arsimor” me 11,0 %, pasuar nga grupi “pije alkoolike dhe duhan” me 4,6 %, grupi “komunikimi” me 3,8 %, grupi “mallra dhe shërbime të ndryshme”me 2,9 %, etj. Çmimet e grupit “ushqime dhe pije joalkoolike” u rritën me 2,2 %. Brenda këtij grupi çmimet e nëngrupit “zarzavate përfshirë patatet” u rritën me 8,5 %, pasuar nga nëngrupi “fruta” me 7,0 %, “qumësht, djathë e vezë” me 2,8 %, etj. Çmimet e nëngrupit “vajra dhe yndyrna” u ulën me 5,1 %, pasuar nga nëngrupi “kafe, çaj e kakao” me 3,0 %, etj. Ndërsa ulja më e madhe e çmimeve vërehet në grupin “shëndeti” me 5,2 %, pasuar nga grupi “transporti” me 3,7 %. Ndryshimi mujor i indeksit është 1,4 %. Krahasuar me muajin dhjetor 2014, rritja më e madhe e

çmimeve vërehet në grupin “ushqime dhe pije joalkoolike” me 3,3 %, ku mund të veçojmë rritjen e çmimit të nëngrupit “zarzavate përfshirë patatet” me 19,0 %. Ulja më e madhe mujore vërehet në grupin

“transporti” me 1,5 %. Krahasuar me muajin dhjetor 2014 çmimi i eurodiezelit u ul me 4,4 % dhe çmimi i benzinës u ul me 3,7 %./

ME TE LEXUARAT