Gruaja që vrau me armë burrin në oborrin e banesës në Librazhd, ka rrëfyer arësyet e krimit në polici. Gjatë deklarimeve para hetuesve, ajo ka thënë se  “burrin e vrava se më tradhtonte me fqinjën”.
“Faikut i kisha thënë se nuk do ta falja kurrë nëse nuk do të hiqte dorë njëherë e përgjithmonë nga aventurat e tij të dashurisë në pleqëri. Ai nuk e mori seriozisht paralajmërimin tim, ndaj e pësoi me kokë”- ka thënë 62-vjecarja që ekzekutoi me cifte në oborrin e shtëpisë burrin e saj 67 vjecar.

Lajmi i meparshem – Policia e Elbasanit arrestoi shtetasen Fatmira Poken 62 vjeçe, si e dyshuara kryesore për vrasjen e bashkëshortit të saj Faik Poka 67 vjec në fshatin Xibrakë.
policia ka thënë se hetimet e deritanishme tregojnë se cifti prej shumë vitesh jetonte në vetmi, pasi 6 fëmijët e tyre emigrantë në shtete të ndryshme. Ata mësohet se prej kohësh nuk i vizitonin prindërit.
Në një gjendje të tillë, 62 vjecarja nuk kishte arritur ta largonte xhelozinë që prej kohësh ushqente ndaj bashkëshortit.
E ndodhur në një situatë të tillë ajo ka vendosur të ekzekutojë bashkëshortin duke e qëlluar me ciften të cilën e mbanin me leje në shtëpi.